¿Qué é o mapa de riscos?

O Gabinete de Prevención de Riscos Laborais analizou unha por unha todas as empresas do polígono para elaborar un mapa de riscos onde se valora o nivel de perigo que un accidente poida ocasionar, así como para tratar de buscar as solucións máis satisfactorias, procurando ante todo a prevención e se é o caso, unha rápida intervención.

A este mapa de riscos dáselle forma mediante unha aplicación informática que permite visualizar as distintas rúas e empresas do polígono, así como un rápido acceso á documentación relativa aos potenciais perigos en cada instalación industrial.

A través desta aplicación, identifícanse as empresas segundo os seus posibles riscos, diferenciando as que teñen risco de explosión polo tipo de materiais que manexan, as que se poden incendiar con facilidade e as que poden producir fugas de gases tóxicos ou outros vertidos incontrolados de produtos perigosos. Tamén contén un esquema operacional xeral ante calquera emerxencia, fichas de intervención para os equipos de emerxencia (inclúe modos de actuación para persoal xeral, emerxencia, evacuación e primeiros auxilios) e un esquema operacional de actuación con diagrama de retorno á actividade, accesos, instalacións e medios de extinción.

Ademais de todo isto, tamén se presenta un plano de localización onde se visualizan as naves e as bocas de rega máis próximas a cada instalación, así como o efecto dominó sobre as que estean máis preto.

Deixa unha resposta

O teu enderezo electrónico non se publicará Os campos obrigatorios están marcados con *

*

Podes utilizar estas etiquetas e atributos HTML : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>